05
октябрь
2023
Ұстаз-мектептің жүрегі!
Жетісу облысы, Панфилов ауданы,
Надек ауылы, "Надек орта мектебі" КММ
Ұстаз - ұлағатты ұғым
Ұстаз...Қандай қасиетті сөз!
Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі Ұстаз.
Ұстаздар күніне орай мектебіміздің "Жас Ұлан" оқушы жастар ұйымы мектеп ауласын безендіріп, ұстаздарымызды қошеметпен қарсы алып, "Ұстаз - мектептің жүрегі" атты мерекелік концерттік бағдарлама өткізді.
5 қазан күні лицейде “Мұғалімдер күні” мерекесіне орай өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында “Дублер күні” өткізілді. Осы мақсатта жүргізілген айтулы шарада мектеп әкімшілігі мен пән мұғалімдерінің рөлін “Мектеп парламенті” мүшелері және 11 сынып оқушылары атқарды. Оқушылар жауапкершілікті сезініп, өздеріне жүктелген міндеттерді өз деңгейінде атқарды.
“Мұғалімдер күніне” орай мерекелік концерт ұйымдастырылды. Шарада оқушылар мұғалімдерге арнап өлең оқып, ойындар ұйымдастырды.
Дублер күні - оқушылар мұғалім болып, өзін-өзі басқара алатын, сабақтарды жүргізудің маңызды екендігін сезіне алатын қызыққа толы күн болды.